#STOPVIOLENZAACHASA
Toxic Love è ina campagna cuminaivla dals chantuns Argovia, Basilea-Citad, Glaruna, Grischun, Lucerna, Sursilvania, Schaffusa, Soloturn e Son Gagl.
La campagna trilingua ha sco finamira la diagnosa tempriva da violenza a chasa. Tras l'identificaziun cun situaziuns che n'èn sin l'emprima egliada betg privlusas, che pon dentant sa transfurmar en situaziuns problematicas, duain las contempladras ed ils contempladers vegnir sensibilisads per ils cumenzaments da violenza a chasa ch'è savens violenza psichica.
Persunas pertutgadas, persunas participadas e persunas nunparticipadas percorschan ils signals d'avertiment da violenza a chasa e pon midar lur cumportament u intervegnir. La campagna duai gidar che la violenza a chasa diminueschia en partenadis a pli lunga vista sco er sensibilisar la populaziun.